Տե՛ր, դարձրու ինձ քո խաղաղության միջոցը, որպեսզի այնտեղ, որտեղ ատելություն կա, սեր բերեմ։

Որտեղ սխալ կա, ներման հոգի բերեմ։

Որտեղ տարաձայնություն կա, ներդաշնակություն բերեմ։ 

Որտեղ մոլորություն կա, ճշմարտություն բերեմ։

Որտեղ կասկած կա, հավատ բերեմ։

Որտեղ հուսահատություն կա, հույս բերեմ։

Որտեղ կան ստվերներ, լույս բերեմ։ 

Որտեղ տխրություն կա, ուրախություն բերեմ։

Տե՛ր, շնորհ արա ինձ, որ ես ձգտեմ ավելի շատ մխիթարել, քան մխիթարվել։ 

Հասկանալ, քան հասկացված լինել։ 

Սիրել, քան սիրված լինել։

Եսը մոռանալով է, որ գտնում ես։

Ներելով է, որ ներվում ես։

Մեռնելով է, որ արթնանում ես հավիտենական կյանքի համար։ Ամեն։