Ո՛վ Հիսուս, օգնի՛ր մեզ տարածել քո բույրն ամենուր, ուր գնանք։ Հեղիր մեր հոգիները Քո Հոգով և Կյանքով։ Թափանցիր և տիրիր մեր ողջ էությանն այնքան լիովին, որ մեր կյանքը միայն լինի Քո ցոլքը։ Շողա՛ մեր միջով և այնպիսին եղիր մեր մեջ, որ յուրաքանչյուր ոք, ում հետ շփվենք, կարողանա զգալ Քո ներկայությունը մեր հոգիներում։ Թող նրանք նայեն և այլևս տեսնեն ոչ թե մեզ, այլ միայն Հիսուսին։  Մնա մեզ հետ և ապա մենք կսկսենք շողալ, այնպես շողալ, որ լինենք լույս ուրիշների համար։ Լույսը, ո՛վ Հիսուս, ամբողջությամբ լինելու է Քեզանից. դրանից ոչ մի մաս չի լինելու մեզանից։ Դու ես, որ շողալու ես  ուրիշների վրա մեր միջոցով։  Ուրեմն թող փառաբանենք Քեզ Քո սիրելի ձևով՝ շողալով մեզ շրջապատողների վրա։ Թող քարոզենք Քեզ առանց քարոզելու, ոչ թե բառերով, այլ մեր օրինակով, ըմբռնման ուժով, նրա կարեկից ազդեցությամբ, ինչ անում ենք, այն սիրո ակնհայտ ամբողջությամբ, որ մեր սիրտը կրում է Քեզ համար։ Ամեն։