Ո՛վ Հիսուս, բժի՛շկ հոգիների և մարմինների, ահավասիկ պատրաստվում ենք հանգստյան, մտածում ենք այն բոլոր անձանց մասին, ովքեր զանազան պատճառներով տառապում են, չեն կարող հանգստանալ: Նրանք սպասում են արշալույսին, և երբ արշալույսը գալիս է, սպասում են օրվա վերջավորությանը: Խնդրում ենք քեզանից, որպեսզի առողջություն պարգևես մեր բոլոր հիվանդներին և տառապողներին։ Մինչ նրանք այդ առողջությանը հասնեն, զորացրու նրանց, որպեսզի կարողանան ընդունել քո կամքն իրենց կամքի մեջ և այսպիսով գտնեն ներքին խաղաղություն: