Արդարությա՛ն Իշխան, 

Հովհաննեսի Ավետարանում կարդում ենք, որ ասում ես. «Հայրը ոչ մեկին չի դատում, այլ ամեն դատաստան տվել է իր Որդուն»: Նաև դու ասում ես, որ ոչ ոքի չես դատում: Արդարությունը պահանջում է դատավճիռ: Եվ մենք գիտենք, որ աստվածային դատավճիռը ուրիշ բան չէ, եթե ոչ գթառատություն: 

Ո՛վ Հիսուս, մենք քեզանից շատ ենք հեռացել: Մեր մեջ արդարության տենչը միայն ուրիշների նկատմամբ է: Մենք ցանկանում ենք, որ ուրիշներն արդար լինեն, բայց մենք հեռու ենք արդար կյանքով ապրելուց: Մենք պատրաստ ենք կաշառք և՛ տալու, և՛ ընդունելու: Բա՛ց մեր սրտերի աչքերը, որպեսզի տեսնենք այդ անարդարությունը, որ առկա է մեր սրտերում: Փոխի՛ր մեր սրտերը, որպեսզի խուսափենք կաշառքից և լինենք միշտ ազնիվ մեր բոլոր գործունեությունների մեջ: