Գթառա՛տ Տեր, ընդունում ենք մեր մեղապարտ լինելը և ահավասիկ խնդրում ենք քեզանից մեր բոլոր մեղքերի թողությունը։ Ապահով ենք, որ դու մեր բոլոր մեղքերը ջնջում ես Հիսուս Քրիստոսի շնորհիվ, որն իր կյանքը զոհեց մեր մեղքերի հատուցումը կատարելու համար: Մենք էլ ցանկանում ենք մեր հատուցման փոքրիկ արարքները նրա խաչի զոհին միացնել։ Խնդրում ենք քեզնից, որպեսզի մեզ սովորեցնես հատուցման արարքների կարևորությունը։ Այս պահին մենք բարձրացնում ենք առ քեզ, ո՛վ Տեր, մեր բոլոր ցավերը, հոգնությունները, մտահոգությունները, մեր իղձերն ու ցանկությունները՝ սիրով ընդունելով այն ամենը, որոնք քեզանից են գալիս և այդ ամենը քեզ ենք մատուցում, որպես հատուցում, մեր մեղքերի համար: