Քո կյանքի առաջին վայրկյանից դու միշտ ընկալեցիր Աստծո խոսքը, և երբ հրեշտակապետն ավետեց քեզ, թե Հիսուսի մայրը պիտի լինես, դու այս անգամ ընդունեցիր Աստծո Խոսքը, որպեսզի նա մարմին առնի քո մարմնից և լինի մեզ նման ամեն ինչով, բացի մեղքից:

Բարեգո՛ւթ Մայր, օգնիր մեր ժողովրդին հասկանալ քո Որդու՝ մեր Տեր Հիսուս Քրիստոսի խոսքի կարևորությունը մեր կյանքի համար: Օգնի՛ր մեզ, որ զգանք այդ խոսքի ծարավը: Օգնի՛ր մեզ, որ փնտրենք նրա խոսքն ամենից ավելի Ավետարանների մեջ: 

Օգնի՛ր մեզ, որ հասկանանք Հիսուսի խոսքերի և՛ իմաստը, և՛ կարևորությունը, և՛ կյանք պարգևող ուժը: Այնպես արա, որ ամեն հայ ամենուրեք ոչ միայն կարդա Ավետարանները, այլ նաև ընդունի այդ Ավետարանի փրկարար պատգամը և դարձնի այն որպես իր կյանքի ուղին:

Օգնի՛ր մեզ, որ սովորենք քեզանից և ունենանք քեզ՝ որպես մեզ՝ աստվածային խոսքերով կրթող մեր հարազատ մոր:

Ո՛վ Անարատ Հղացյալ Մարիամ, աղոթիր մեր ժողովրդի ավետարանացման համար: