Ո՛վ Հիսուս, դու ասացիր, թե Հայրդ մշակն է, դու որթատունկն ես, և մենք՝ ճյուղերը։ Մենք ոչ մի պտուղ չենք կարող տալ, եթե քեզ միացած չլինենք։ Սովորեցրո՛ւ մեզ, որպեսզի իրապես հասկանանք այս ճշմարտությունը, նաև հասկանանք, որ մենք չենք կարող քեզ միացած լինել, երբ չենք ցանկանում հրաժարվել մեղքից: Մեր մկրտության օրը հրաժարվեցինք սատանայից և նրա խաբեություններից: Ահավասիկ այս օրվա վերջավորությանը մեկ անգամ ևս հրաժարվում ենք սատանայից և ամեն ինչից, որ մեզ կարող է հեռացնել քեզանից: Օգնի՛ր մեզ, որպեսզի հաստատ մնանք մեր այս որոշման մեջ: Ամեն: