Տե՛ր մեր, Հիսո՛ւս Քրիստոս, դու խոստացար, որ պիտի վերադառնաս աշխարհ քո Հոր փառքով։ Դու երբեք ժամանակ չսահմանեցիր, թե երբ պիտի լինի քո գալուստը: Ամեն սերունդ սպասում է քո գալստյանը՝ կարծելով, որ իր ժամանակի մեջ պիտի լինի քո վերադարձը: Առաքյալների օրերից սկսած՝ եկեղեցին աղոթում է՝ ասելով` Marana Ta, Ո՛վ Տեր, արի՛: Մենք էլ, միանալով բոլոր սերունդներին, քեզ ենք հայցում` ասելով` Ո՛վ Տեր, արի՛ և հիմնիր քո թագավորությունն իմ մեջ, որպեսզի մտածեմ և անեմ այն, ինչ որ հաճելի է քեզ: Ո՛վ Հիսուս, քեզ եմ հանձնում իմ կամքը, մտածմունքը, իղձերն ու ցանկությունները: Ո՛վ Հիսուս, եղի՛ր իմ կյանքի կենտրոնը, արի՛, ո՛վ Տեր, արի՛, մարանա տա: