Ո՛վ Հիսուս, սուրբ Պողոսը, քեզանից սովորելով, մեզ հորդորում է քո արքայությունը փնտրել, և նա կրկնում է՝ ասելով, թե երկնքի արքայությունը կերուխում չէ, այլ արդարություն, խաղաղություն և Սուրբ Հոգու պարգևած ուրախություն: Օգնի՛ր մեզ, ո՛վ Տեր, որպեսզի սա միշտ լինի մեր կյանքի նպատակը, և այսպես ապրելով՝ զորացնենք միմյանց, որպեսզի կարողանանք միասին աշխատել խաղաղության և արդարության համար: Ո՛վ Տեր, օգնի՛ր մեզ, որպեսզի կաշառակերության մաս չկազմենք, քանզի ամենափոքր կաշառքը, որ տալիս կամ ընդունում ենք, խաղաղությունը և արդարությունը ոչնչացնում են: