Ո՛վ Հիսուս, աստվածայի՛ն Փրկիչ, Քո՝ Անարատ Հղացյալ Մարիամ Մորդ միջնորդությամբ քեզ եմ նվիրում ֆիզիկական ցավերս և մտային տառապանքս Քո Սուրբ Եկեղեցու նպատակների համար, իմ ազգի համար, քահանաների և սրբազանների համար (այստեղ ավելացրու քո այլ նպատակները)։

Հոսեցրո՛ւ  աշխարհիս վրա քո ողորմության առատ գետերը: Դարձի՛ բեր անհավատներին, ազատիր մոլության ստրուկներին: Բոլոր ընտանիքներին շրջապատիր քո սիրալիր հոգատարությամբ, որպեսզի քո շնորհքով նրանք կարողանան ոսոխի թակարդներից խուսափել։

Միացրո՛ւ ընտանիքները, որոնք բաժանումի եզրերին դեգերում են: Զորացրո՛ւ և սեր տուր ծնողներին, որպեսզի կարողանան սիրով ընդունել ամեն նոր կյանք, որ Դու տալիս ես, և պաշտպանեն երեխային հղիության առաջին րոպեից մինչև բնական մահը:

Ծերերին տուր շնորհ, որպեսզի կարողանան միանալ Քեզ իրենց տառապանքի պահին: Մաքուր սիրտ շնորհիր մանուկներին և պատանիներին, որպեսզի մոլություններից զերծ մնան և Հոր Աստծո կամքը կատարեն: Շնորհի՛ր, որ այս խաչը, որն ես կրում եմ, ինձ համար լինի քաջության, ազատության և ուժի աղբյուր, և, այսպիսով, տառապանքներս ինձ չզրկեն հույսից, իմ հավատը չհանգի, և իմ սերը երբեք չմեռնի:

Երբ կյանքս հասնի ավարտին, քո ծառայող հրեշտակները մխիթարեն ինձ ու տանեն քո արքայության մեջ: