Տե՛ր մեր Հիսուս Քրիստոս, Իշխա՛ն Խաղաղության, Խոնարհաբար աղաչում ենք քեզ, որ գթառատ ողորմությամբ քո քաղցր նայվածքը հառես քո հայ զավակների վրա: Այս տառապող ժողովուրդը դարեր շարունակ հալածված մնաց, որովհետև չընդունեց հրաժարվել քրիստոնյա լինելուց:  Իսկ մի դար առաջ կոմունիստական կառավարությունը, 70 տարի շարունակ անաստվածություն քարոզելով, մեր ժողովրդին անաստվածության և կոռուպցիայի մղեց: Այսօր անկախությունից ի վեր այդ կոռումպացված ղեկավարներն ավելի և ավելի դժվարացրին մեր խեղճ ժողովրդի կյանքը: Կոմունիստական շրջանում կոռուպցիան շատ տարածված էր, իսկ այժմ դա դիտվում է որպես կյանքի անբաժանելի մի մաս:  Խեղճ ժողովուրդը ցանկանում է քո օրենքներով ապրել, բայց երկրում միայն կաշառակերությամբ է, որ մարդիկ կարողանում են իրենց նպատակին հասնել: Արդարությա՛ն Իշխան, գալիս ենք քեզ մոտ՝ խնդրելու քեզանից փոխել մեր ղեկավարների սրտերը, որպեսզի արդարություն հաստատվի մեր երկրում: