Գթությամբ նայիր մեր ժողովրդին. որքա՜ն անհասկացողությամբ և ատելությամբ ենք լցվել իրար հանդեպ: Հանդուրժողականությունը որքա՜ն հեռացած է մեզանից: Օգնի՛ր, որ ճանաչենք քո ներկայությունը մեր բոլոր եղբայրների և քույրերի մեջ: Որքան էլ պահանջենք արդարություն, միևնույն ժամանակ օգնիր մեզ, որ այդ արդարությունը քեզ մոտ փնտրենք և նաև կարողանանք քո միջոցով մենք մեր մեջ գտնել ներումի ոգին, որ միայն դու կարող ես մեզ պարգևել: Գիտենք, որ վրեժխնդրությունը և ատելությունը որևիցե կերպով չպիտի օգնեն, որ կարողանանք ավելի արդար երկիր կառուցել:  Օգնիր մեզ, որ կարողանանք սովորել Հարավային Աֆրիկայի եկեղեցուց, որ ճշմարիտ խաղաղության ճանապարհն արդարության ճանապարն է, և առանց ներումի՝ արդարությունը չի կարող իրականանալ: Փոխի՛ր, ո՛վ Տեր, մեր բոլորի սրտերը, որպեսզի բոլորս աշխատենք խաղաղության, արդարության ուղիով, և քո Հոգին թող մեր կարծրացած սրտերում ներումի քաղցրությունը հստակորեն արմատավորի: