Ո՛վ Հիսուս, երբ դու ինձ այս տառապանքի փորձանքին ենթարկելով ցանկանում ես, որ ես միանամ քո խաչի տառապանքին և նվիրեմ դա իբրև մեղքերի քավություն, դու մի մեծ ռիսկի ես դիմում. որովհետև ես կարող եմ քեզ ավելի շատ մոտենալ, բայց նաև կարող եմ իմ ողորմելի վիճակի մեջ քեզանից հեռանալ։ Ո՛վ Սիրելի Փրկիչ իմ, տուր ինձ այդ թանկագին շնորհը, որի միջոցով ես կարողանամ իմ ցավը քեզ նվիրել, ինչպես դու նվիրեցիր քոնը խաչի վրա, իբրև քավություն, մեղքերի համար: Օգնիր ինձ, որպեսզի կարողանամ քեզ նմանվել քո համբերության մեջ, և կարողանամ իմ գանգատները նվիրումի վերածել. նվիրում իմ և ուրիշների մեղքերի համար իբրև հատուցում, այնպես ինչպես դու հարմար ես դատում: Այս տառապանքի, ցավի և մտատանջության պահին ես խնդրում եմ, ես փնտրում եմ ու փախչում եմ, որպեսզի ստանամ հարատևության շնորհը, ինչպես նաև ցանկանում եմ ենթարկվել քո աստվածային կամքին իմ բարիքի համար, ինչպես նաև քո փառքի համար: