Ամենակա՛լ և բարեխնամ Տեր, ահավասիկ մի օր ևս հասնում է իր ավարտին. միաբերան գալիս ենք շնորհակալություն հայտնելու քո բոլոր բարիքների համար, որ դու պարգևում ես մեզ։ Մանավանդ այս օրվա ընթացքում քո բարիքների համար, որոնք իրականության մեջ շատ-շատ են, ամենից առաջ շնորհակալություն ենք հայտնում մեր կյանքի համար, որն այս աշխարհում ամենամեծ պարգևդ է, շնորհակալություն ենք հայտնում, որ մեզ փրկեցիր, շնորհակալ ենք, որ մեզ հրավիրեցիր, որպեսզի ճանաչենք մեր փրկչին, մեր Տեր Հիսուս Քրիստոսին և մկրտության միջոցով դու մեզ քո ընտանիքի անդամ  դարձրիր, և քո որդու` Հիսուս Քրիստոսի մարմնի անդամները եղանք։ Շնորհակալության ոգով է, որ ցանկանում ենք վերջացնել մեր օրը: Քո անունը թո՛ղ միշտ օրհնյալ լինի: Ամեն: