Ամենակա՛լ և բարեխնամ Տեր, ահավասիկ երկար օրվա վերջավորությանը պատրաստվում եմ՝ քնելու. շնորհակալություն եմ հայտնում քեզ քո բոլոր բարիքների համար, որ դու պարգևել ես ինձ օրվա ընթացքում: Շնորհակալ եմ, որ կյանք ես պարգևում ինձ և իմ սիրելիներին, շնորհակալ եմ ինձ բարիք անելու համար, միաժամանակ քո ներողությունն եմ հայցում այն սխալների և մեղքերի համար, որ գործել եմ, որովհետև այդպիսով անտեսում եմ քո անհուն սերն իմ հանդեպ, ներողություն եմ խնդրում մանավանդ բամբասանքների համար, որոնք որևիցե կերպ չեն կարող օգտակար լինել, այլ շատերի խաղաղությունն են կործանում: Մաքրի՛ր սիրտս, որպեսզի լցվեմ միայն քո սիրով: