Ո՛վ Տեր, երբ այս դժվար պահին իմ սիրելիները և ես սպասում ենք բժշկական քննությունների արդյունքներին, թող որ մենք քեզ նվիրենք մեր մտահոգությունները մեր բարիքի համար, ինչպես նաև քո փառքի համար: Հանդարտեցրո՛ւ մեզ մեր մտահոգությունների պահին, քանզի սրանք իմաստություն չեն ավելացնում, բայց միայն սթրեսային վիճակ են առաջացնում մեր մեջ այս պարագայում: Լուսավորի՛ր մեզ Սուրբ Հոգուդ զորությամբ, որպեսզի ուղիղ որոշումներ կայացնենք այս հիվանդության առնչությամբ: Օգնի՛ր, որ քեզանից չհեռանանք այս դյուրաբեկ, ցավոտ պահերին, այլ դեպի քեզ մոտենանք՝ շնորհ և քաջություն ստանալու քեզանից: Մխիթարի՛ր մեզ, որ այժմ քեզ ենք փնտրում և մեր ամբողջ մտահոգությունները քո սիրալիր ձեռքերի մեջ ենք թողնում՝  ասելով. «Եղիցի կամք քո»: