ԽՈԿԱՄ

«Խոկամ»-ի հեղինակ հայր Անդրանիկ Կռանյանն իր կյանքի փորձառությունից քաղած խոհերի միջից իր՝ հոգեխույզի խորաթափանց աչքով մանրադիտակի տակ է առնում աշխարհի լավն ու վատը, բարին ու չարը, սխալն ու ճիշտը, օգտակարն ու վնասակարը, կեղծն ու իրականը, որոնք արդյունքն են «Աստծո կողմից մարդկանց տրված ազատության», որը, ցավոք, «այս աշխարհում մարդու կողմից ամենաշատ պղծված իրականությունն է»:

Որպես անկաշառ ու անաչառ դատավոր՝ հեղինակն իր խոհուն դիտարկումներով բացահայտում է մարդու կյանքի և նրա երևույթների հետևում թաքնված Ճշմարիտն ու Ճշմարտությունը, որպեսզի այս բացահայտման կենտրոնից ցույց տա Աստծո պատգամին վերադառնալու ուղին՝ որպես մի անխարդախ կյանքի երաշխիք:

Այս գրքում ամփոփված խոհերից յուրաքանչյուրը խորհրդածելու հրավեր է՝ ուղղված մտածել իմացող ցանկացած մարդու՝ առանց տարիքային խտրականության: